Om Camilla 

Mitt første møte med yoga var i 2005 i Cape Town i Sør-Afrika. Det var eit pusterom fra første stund. Berre meg, matta, pusten min, kroppen, her og no. 

Eg har praktisert mange ulike former for yoga, fra bikram til restorative yoga i ulike faser i livet - akkurat slik som yoga skal vere; ein støtte til livet slik det er her og no. Og etterkvart som yogaen guida meg heim til meg sjølv, og eg våga å lytte, så bevega eg meg frå ein fysisk krevande yoga og til det som skulle kjennast som heime for meg; den rolege, mjuke, meditative yogaen. Den støtta meg òg gjennom tøffe år i livet og vart eit uendeleg viktig holdepunkt på mi reise. 

Og det er den rolege yogaen, og krafta i kvile, som ligg mitt hjarte nærast. Mjuke pusteøvelsar for ro i kropp og sinn, djup avspenning og meditasjon er ein viktig del av min praksis, og i yogaen eg underviser.

Eg ønskar å formidle verdien av å våge å roe ned, ta pauser, kvile, puste, lytte inn. Leve litt saktare, og litt meir tilstades.