Yoga

Yoga er ei fantastisk verktøykasse for å redusere stress i kvardagen, det er ein praksis kor vi kan øve oss på å stoppe opp, pause.
Å ta seg tid til å vere i det som er i augneblinken, tid til å sjekke inn med seg sjølv.
Øve på å veksle mellom aktivitet og kvile. Og ikkje minst, yoga er eit  p u s t e r o m  kor vi kan vere, kvile, og lade kropp og sinn. 

Når vi er på matta kan vi tre ut av kvardagen, og skape tid og rom for oss sjølv.
Ved å vende oppmerksomheta inn til pust, kropp, bevegelse og kvile kan vi roe nervesystemet; finne ro, stillheit.
Gjennom yogapraksis kan vi redusere stress, tankekjør, spenningar og vondter, og få tilgang til indre ro, meir glede og energi.

Vi brukar yogaøvelsane til å kome inn i kroppen, heim til oss sjølv, ikkje kroppen for å kome inn i yogaøvelsar. 
Når alt stilnar rundt oss kjem vi lettare i kontakt med oss sjølv, og vi blir meir bevisst på det som foregår på innsida;
på yogamatta lærer vi oss sjølv betre å kjenne.

Og viktigast av alt; det vi øver på på matta, tek vi med oss ut i kvardagen, ut i sjølve livet;
slik at vi kan leve meir i takt med oss sjølv og ta gode valg i retning av det som betyr mest for oss -  og det vi egentlig lengtar etter.