Yoga - Pust - Kvile
Yogaretreat Seløy
20.-22. September 2024
Yoga - Pust - Kvilepuls - Natur
Retreat betyr å trekke seg tilbake, og det er nettopp det vi skal gjere denne septemberhelga. Ei helg med øytempo, rolig yoga, vakker natur, ro, pust og kvilepuls. Helgelandskysten er sjelefred!
Eg har skapt denne helga for at du skal få tid til å lande. Puste. Vere. Ta inn den vakre kraftfulle naturen. Fylle på. Nyte eit saktare tempo. September er grønn og vakker på øya, og energien er roligare etter ein lys og intens sommar.
Desse dagane blir ei gåve til ditt nervesystem, til din energi, til din pust, til heile deg. Daglig nærande roleg yoga, pust, avspenning og djup kvile er ei reise innover i deg sjølv.
Du bur komfortabelt med høg standard i vakre omgivelsar på SKOLO, den renoverte skulen på øya som idag er kafé, kaffebar, overnatting og samlingsstad.
Mellom yogaøktene kan du kvile, sove, lese, rusle rundt på øya og i fjæra, puste ved havet, drikke god kaffi. Kanskje blir det eit septemberbad i havet?
Laurdagskvelden får vi servert fantastisk SKOLO-pizza.
Ta kontakt med Camilla for booking eller om du har spørsmål.
Kun 12 plassar.
Kom og finn kvilepulsen i havgapet!
“´Jeg hadde sett frem til helga lenge, men kunne ikke forestille meg at det skulle bli så fantastisk.
Skolo er et flott sted å være. Camilla er et vidunderlig menneske. Hun er varm og imøtekommende og gjør alt for at du skal føle deg velkommen.
Jeg har vært interessert i yoga og trening lenge og har tro på at dette er viktig. Det jeg ikke innså var at jeg manglet en vesentlig del, som vi ikke snakker så mye om,
restitusjon, tilstedeværelse og pust.
Jeg har stor tro på at dette kan hjelpe mange. Dette fikk jeg denne helgen og det har gitt meg bedre livskvalitet. Jeg vil absolutt anbefale dette til alle! ”
- Deltaker, Yogaretreat 2023
Praktisk info
Pris
4100,- per person i delt rom/leilighet, delt bad
4800,- per person i privat rom, privat bad
Inkluderer overnatting fredag til søndag, all yoga, nokre måltid (sjå under).
Vilkår: Bindande påmelding, delbetaling innan 1. juli. Losji betalast ved ankomst i september. Kan du ikkje komme har du mulighet å selge din plass til andre - vennligst gi beskjed om dette. Ved avlyst arrangement får du tilbake heile beløpet.
Kost
Inkludert i prisen er enkel, nærende frokost laurdag og søndag (yoghurt, heimelaga granola, frukt, chiagrøt), nærende suppe fredag kveld og nydelig pizza på laurdagskvelden. Urte-te og svart kaffe.
Laurdag er kafeen i 1. etg åpen og du kan kjøpe god lunsj og fantastisk kaffe frå kaffebaren. Dei andre måltida ordner du sjølv eller saman med andre på retreaten.
Det er tilgang til nydelig kjøkken og stort felles spisebord fellesrommet i 2. etg og i fleire av leilighetene. Vi har egen Coop butikk på øya, rett ved Skolo, åpent mandag-laurdag.
Korleis reise til Seløy?
Du kan reise med fly til Sandnessjøen, tog til Mosjøen, hurtigbåt frå Bodø eller kjøre bil. Seløy ligg ein liten ferge- og kjøretur frå Sandnessjøen.
Du kan lese meir om ulike måtar å reise til Seløy her.
Gi oss beskjed i god tid dersom du ønsker henting på ferjekaia (Bjørn eller Herøy/Flostad) - det er lite kollektivtransport på øya.
Vil du vere lenger på øya, eller komme tidligare?
Seløy i øyriket Herøy gir sjelefred. Hav, fjell, fantastisk natur og skiftande vær og vind. Nordlys, kvite strender, lange og korte turar ved hav eller i fjell. Tid til deg, tid til å leve i eit saktere tempo. Ta gjerne nokre ekstra dagar her, i forkant eller etter retreaten.
Ta kontakt med SKOLO for tilbud på overnatting.
Camilla Solvang Hansen flytta til Seløy på Helgelandskysten for å leve et saktare liv nær naturen. Camilla hadde sitt første møte med yoga i Cape Town i 2005, har yogalærerutdannelse frå Oslo Yoga og fordjupning i bl.a. Mindful Restorative Yoga og Hvilende Yin Yoga. Ho er særlig opptatt av korleis yoga og pust kan støtte oss til å roe ned; som motsats til ein ofte travel kvardag. Camilla underviser rolig, kvilande yoga som passar ekstra godt for deg som lengtar etter eit pusterom, og for deg som ønskar å utforske eit saktare og roligare tempo med alle dei gode effektene det har på kropp og sinn.
Foto: Vegard Aasen